我去完泰國o番o黎喇! 個trip ok la....不過擺左個烏龍，我一路以為會有陽光與海灘,之前又無時間同個朋友傾行程.....點知到出發個日先醒起曼谷係無海灘o架!!!可能上次去埋峇提雅所以有個錯覺以為會有......哎.....唯有係酒店個poolside度坐坐....不過又落左兩日雨...!!!
不過成個trip最有趣o既係走左去全泰國最大既戲院睇DaVincci Code....個度有成14個theatres，每個都可以坐到500-600人.....我地揀左3pm個場.....正常應該3:10左右開場，但到3:15都仲播緊廣告又無乜人入場，買飛o既時候明明full house o架!!??.....再過多10分鐘d人開始入場.....但都仲係廣告....我個friend已經?著左.....就響呢一刻，全場突然企晒起身.....o下...做乜事??.....我地又企埋起身，然後個screen開始播一段約3分鐘泰王微服出巡o既短片，哇!! 我睇左都好感動呀!! 哈哈!! ....到左3:30先正式開場!!.....故事未完o架.....
齣戲去到大半既時候，個個都聚精會神諗緊點幫Tom Hanks解碼，個screen突然一黑...熄左!!.....之後重要開埋全場燈添!! 大家你眼望我眼，唔知做乜....大約3分鐘度先回復正常...去到呢度我同我個朋友已經笑到返o左肚喇!!